أسهم خير

أسهم خير .!
إيه أسهم خير ده.!
بص يا سيدي إحنا مجموعة شباب شوفنا فكرة لقيناها كويسه جداً والكل يقدر يشارك فيها واجرها كبير جداً وهتخدم ناس كتير جدا جداً!

إيه الفكرة دي؟!
احنا كونا نفسنا مجموعة شباب من كليات (علوم وهندسة وصيدلة) في الاسكندرية وكونا فريق اسهم خير ، الفكرة قايمة علي "قليل دائم خير من كثير منقطع"
ومنها فَ احنا ب نجمع من بعض كل شهر مبلغ علي قد مقدرة كل واحد فينا وكل واحد مننا بيجمع من معارفه واصحابه واهله وبيخلي معارفه يجمعوا من معارفهم وهكذا .!
وكل شهر ب نجمع الفلوس دي وبنعمل بيها عمل خيري علي قد الفلوس دي (عملنا قبل كدة سقف لبيت اسرة فقيرة في الشتا وجمعنا هدوم ووزعناها علي أسر فقيرة ، وجهزنا عرايس وجبنا هدوم العييد لأطفال أيتام معاقين وعملنا حفلات للأيتام وعملنا اعمار ل بيوت فقراء وجبنا اجهزة منزليه ليهم ، وهكذا بقي كل شهر )

طيب يعني برضو الايفنت ده ليه.؟!
الايفنت يا سيدي عشان نوسع نطاق الأصدقاء والمعارف ويكون الموضوع على نطاق أوسع والمبلغ بتاع آخر شهر يكون أكبر بالتالي نقدر نستغله ف عمل حجات أكبر وانفع.!!
وكل شهر الحاجة اللي هننفذها ب فلوسكم بنصورها ونعمل بيها فيديو كمان إن أمكن عشان تعرفوا قيمه المبلغ الصغير من كل واحد يقدر يعمل إيه.!!

لو انت ولد يبقى هتتواصل مع |
علي أحمد أو علي رضا أو Ahmed Soliman أو Assem Karem
وتتفق معاه إزاي تديله ال 10 جنيه بتاعه كل شهر..
ولو إنتي بنت هتتواصلي مع سمية الشرقاوي أو أميرة صقر . وهما المسؤولين عن البنات
وما تقلقش لو انت من محافظة تانية طرق توصيل الفلوس كتيرة جداً ومختلفة وبسيطة جداً كمان. المهم إنت تواصل معانا بس ;-)
واللي شايف نفسه يقدر إنه يكون سفير للمشروع ف محافظته أو كليته أو منطقته أو وسط أصحابه أو بين قرايبه أو زمايله ف الشغل. يبقى كويس جداً ويتواصل معانا ويقولنا ده.
-وقريب وبإذن الله لما دايره المشاركين ف المشروع تكبر أكتر هنعلن عن أعضاء معانا من محافظات ومناطق مختلفة للم المشاركات- ;-)

بس يا سيدي وبكده تبقى شاركت ف مشروع أسهم خير. وساعدت أسره فقيرة. أو مريض مش قادر يجيب تمن الدوا أو ساهمت ف تعليم حد مش قادر يدفع تمنع احتياجات الدراسة. :-D

أنشر الفكرة وساهم ف تكبير المشروع وجمع صحابك وخليهم يتواصلوا معانا

#أسهم_خير